மூளை அறுவை சிகிச்சையில் மருத்துவ சாதனைகளில் ஒன்று!

அமெரிக்காவில் மூளை அறுவை சிகிச்சையின் போது வாலிபர் "கிதார்" வாசித்த நிகழ்ச்சி ஒன்லைனில் ஒளிபரப்பப்பட்டது.

அமெரிக்காவில் உள்ள லாஸ்ஏஞ்சல்ஸ் நகரை சேர்ந்த பிராட் கார்டன்(39) என்பவர் கிதார் இசைக்கலைஞர் ஆவார்.

கடந்த 2006ம் ஆண்டில் இவரது கையில் நடுக்கம் ஏற்பட்டதைத் தொடர்ந்து அவருக்கு பக்கவாத நோய் உருவானது. எனவே அவர் மருத்துவமனையில் அனுமதிக்கப்பட்டு சிகிச்சை பெற்றார். இந்நிலையில் பக்கவாத நோயை சரிசெய்ய மூளையில் "பேஸ் மேக்கர்" கருவி பொருத்த டொக்டர்கள் முடிவு செய்தனர்.

இதற்காக பிராட் கார்டரின் மூளையில் டொக்டர்கள் அறுவை சிகிச்சை செய்தனர். அப்போது கார்டர் தனக்கு மிகவும் பிரியமான கிதாரில் இசை வாசித்துக் கொண்டே இருந்தார். இந்த நிகழ்ச்சி காணொளி மூலம் படமாக்கப்பட்டது.

இதற்கிடையே அறுவை சிகிச்சை வெற்றிகரமாக நடத்தி முடிக்கப்பட்டது. அறுவை சிகிச்சையின் போது எடுக்கப்பட்ட காணொளி காட்சி ´டுவிட்டர்´ ஒன்லைனில்500தடவைக்கும் மேல் ஒளிபரப்பப்பட்டது.

இச்சம்பவம் மருத்துவ உலகில் நடந்த சாதனைகளில் ஒன்று என்று டொக்டர்கள் தெரிவித்துள்ளனர்.